| 為慶祝悲哀十月的來臨，昨晚我獨自去紅館看林一二的演唱會。因為我不喜歡玩人浪、尖叫和歡呼，這種演唱會還是獨個兒去比較好。我一直很喜歡林一二的歌，他們的歌會令我想到咖啡店，一邊看書，一邊聽歌，最後睡著 (所以我昨晚不停打呵欠，美妙的歌聲)。我認為林一的聲線跟張信哲有點似，是那種小男人的聲線，我喜歡到不得了。至於林二，第一次聽她的歌，我以為她是一名美女，哈~ 聽著他們的歌，勾起我很多回憶。記得F.6那年晚晚追少爺占的19，翌日定必呵欠連連。那年跟同學去書展，買完書便排隊取簽名，那個簽名到現在還未退色。真令人懷念! 以下這首歌是送給一個人，事緣最近從友人口中聽到一些關於他對我的論斷。我不開心，並非因為他的論斷，而是他們! 想不到他們會對他說謊，我真的很傷心。二年多了，我已有兩年多沒有去那地方。我一直想去，但又不敢。每當我想起這件事，我心便酸。然而我又恨他們這樣說謊，令我對這個信仰有很多問號。感情從來是兩個人的事，過去的事，我不想再提。只是信仰... 祂就像一個刺青狠狠劃在我心裡，也許祂比刺青更狠，因我死後仍要面對祂。一想便令我心亂，人性和信仰真矛盾。 男朋友
作曲：林一峰／填詞：少爺占／主唱：林二汶
男朋友 相信有一天你會忘掉我
男朋友 相信沒有我你會更快樂
我倆縱有過過去 是那麼揮之不去
但時間總會過去 留在回憶 更有情趣
天氣涼了 請不要倒下去
再努力走下去 不要惦記過去
老了四五十歲 也許 我們會再聚
|
| |
| 新開始 返左新工一個禮拜，唔駛兩日已經慣左。慣係因為d野一學就識 (相信唔係我醒而係d野容易上手)，根本唔會有學完一陣唔記得o既感覺。寫字樓入面除我之外，就只有三位同事，有兩個係士多，遲d士多裝修好會搬走，到時只有我同隔離位個大叔，一字既之曰: 悶，但係無是非，正! 至於我o既老細有三個，三個都係文職，所以我唔會亦唔需要擦佢地鞋。講起佢地，呢d老細真係好呀，你唔做錯野，佢可以成日唔搵你，正! 遇著佢地meeting唔返，我同隔離個大叔就餅足成日 (係佢叫我餅ga)。準時收工無OT，返工唔駛帶腦，收工永無壓力帶返屋企，你話呢d工邊度搵! 但係轉左工之後，人工減至少35%，好耐好耐無試過返工帶飯喇，為左追番果35%依家就要帶。以前搵錢容易，返工受左氣收工就會瘋狂shopping，依家一睇中野就同自己講: 係咪真係有需要ga? 其實多數都係無需要，結果我就無買慳番d錢。 變 或者咁樣變都係一件好事，至少o係我下一份人工高d o既工o黎之前，我可以做番個知慳識憸o既人。梁碧美，我會努力ga! 矛盾 雖然我好鍾意日日著唔同衫返工，但係返左兩日已經開始掛住套軍裝。老實講，如果唔係d madam們咁變態，我真係想繼續做ga。前幾日返工經過輔警總部，突然浮起一個念頭: 不如去考Aux o羅! o係b仔讀書之前一個星期兩晚放工再加weekend其中一日去training應該唔難，到時同b仔一齊住o既時候，我已經train完啦! 諗就美滿，到時又似之前果份咁就死，所以都係諗多排先，大家覺得點呀? |
| |
| 自從做左呢份工之後，我發覺自己開始唔想搵d舊朋友。一來返shift好難就，人地放假o既時候我就返工，二來係自己冇心搵。 有次同個同事講開呢個問題，發覺做左呢行之後，人際圈子愈來愈細。朋友搵你出o黎，一係就唔到，一係收工好攰。結果推得幾次人地就唔再搵你，然後放工有時又要焗住去公司d飯局，結果來來去去都係群埋果班人。就算約到d朋友出o黎，都唔係咁想講自己d返工野，一來人地唔明自己唔想解釋，二來收工又講返工野真係好悶。但係我一個星期放得一日假，除左食飯、瞓覺之外，返工同搭車已用左我一日o既十一個鐘。你話，我仲有咩野好講。 我有時返工坐o係度，望住個天，原來每隔一分鐘左右就有架飛機飛過。我就諗起d舊同學，以前成日好恨o係度做，依家身在鐵絲網之下我竟然後悔。我後悔自己點解咁傻，自己都顧唔掂就想去幫人。我後悔果陣有咁多機會我唔試，依家個市咁差想試都冇得我試。每次我受完氣之後，再望到d飛機我就好想離開呢度。有時人地安慰我： "你諗o下，開o下門，行行企企，咁就萬六蚊個月，仲年年有得加，呢d工邊度搵呀。咁諗係咪好d呢"。我聽完仲灰! 係我知，但無理由咁樣諗呀，我讀書唔係為左開門，但點解我覺得我做到三十幾都將會係開門o既?點解會係咁?開門有咩學呀? 我，欲哭無淚‧‧‧ |
| |
| 等 之前我都講過，唔知好過知，知道左壓力仲大。由二月二十六日開始我足足等左大半個月。無論我幾唔舒服、幾唔開心都好，我一日sick leave都冇碌過。自從我o既離巢計劃俾我老細知道之後，我發現次次派更我都係做最辛苦果個位。不過冇所謂啦，反正都走喇，咪當做善事law~ 直至前日，我真係興到oY，直情想第二日唔返工碌佢1day呀! 邊有理由明知我返屋企瞓第二日返五點幾仲要留我留到九點幾，跟例做野我個post都完啦，可以收工。叫我幫手唔係唔得，但唔係老馮，DOO又點呀，唔該都講句oY。「等我諗o下再通知你留唔留」，激死我喇! 幾時先至有消息呀，究竟係咪真係要我ga? |
| |
| 事情開始明朗化。慶幸我面試前一天收到呢封信，如果唔係我可能仲自我沉醉中，以為自己實得。好彩，好彩有呢個反省o既機會。 雖然成功左，但係始終一日未收到野簽一日都未落實。再加上佢地提醒我o係呢段時間要「工作表現良好」，搞到我壓力大左，成日驚住d女魔頭知道左會對我不利，驚驚 今日早房四點幾要起身返工，好耐未試過咁早起身。個人已經迷迷地，點知巡地方o既時候太心急，一轉身行左兩步，一頭坎落去部抽氣扇度。當堂眼前一黑，企都企唔穩。痛到我眼水都標埋出o黎，最慘阿一、阿二同DOO都o係我隔離，今次真係樣衰呀。仲話「工作表現良好」，連行步路都行到咁，真係... 結果入左醫院做Injury Report，仲要俾人影埋相，真係樣衰! full左陣冰之後，大家都叫我坐o下休息 o下，我邊敢oY，出面都唔夠人，因為我要麻煩到人，我仲要「工作表現良好」ga，所以坐左十五分鐘就出番去做野。 所以呢，呢個消息其實增加左我o既壓力 |
| |
